Nederlando en la Somera Olimpiko 2024

Nederlando
Nederlando en la Olimpikoj
	; Flago de Nederlando
IOK-kodo	NED
NOK	Nederlanda Olimpika Komitato*Nederlanda Sporta Federacio
Retejo	www.nocnsf.nl (nederlande kaj angle)
Somera Olimpiko 2024 en Parizo
	258 sportistoj en 26 disciplinoj (fakoj)
Flagoportanto	Worthy de Jong kaj Lois Abbingh (inaŭguro); Harrie Lavreysen kaj Femke Bol (fermo)
	Olimpika historio
Someraj Olimpikoj
	1900 · 1904 · 1908 · 1912 · 1920 · 1924 · 1928 · 1932 · 1936 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020 · 2024
Vintraj Olimpikoj
	1928 · 1932 · 1936 · 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1994 · 1998 · 2002 · 2006 · 2010 · 2014 · 2018 · 2022
	v • d • r

La sportista teamo de Nederlando konkurencis en la Somera Olimpiko 2024 de la 26-a de julio ĝis la 11-a de aŭgusto 2024 en Parizo, Francio, Eŭropa Unio. Temis pri la entute 28-a partopreno en Someraj Olimpikoj. La teamon organizas la Nederlanda Olimpika Komitato.

Konkuris sume 258 nederlandaj atletoj en 26 sportaj disciplinoj. La 24-an de julio la nacia komitato anoncis, ke la teamaj flagoportantoj en la inaŭgura ceremonio estas la basketbalisto Worthy de Jong kaj la manpilkistino Lois Abbingh.^[1] Ili ambaŭ kvazaŭ reprezentis siajn kompletajn teamojn.

En la solena fermo la teamaj flagoportantoj estis la biciklisto Harrie Lavreysen, kiu en Parizo eĉ sukcesis pri tri oraj medaloj, en teama kaj individua bicikla sprinto kaj en vira kejrino, formo de traka biciklado, kaj la kuristino Femke Bol, kiu en Parizo kun tri kolegoj kontribuis oran medalon en la miksita 4 x 400-metra stafeto, sed krome ankaŭ bonas en hurdokuro, kie ŝi interalie atingis oran medalon en la mondĉampinado de 2023.

La teamo sume atingis 34 medalojn, 15 orajn, 7 arĝentajn kaj 12 bronzajn, kaj sekve ricevis la sesan rangon, do estis inter la plej sukcesaj teamoj.

Medalistoj

Medalo	Nomo	Disciplino	Evento	Dato
1 Oro	Lennart van Lierop Finn Florijn Tone Wieten Koen Metsemakers	remado	vira kvarpersona okrema konkurso	31-a de julio
1 Oro	Benthe Boonstra Hermijntje Drenth Tinka Offereins Marloes Oldenburg	remado	ina kvarpersona kvarrema konkurso	1-a de aŭgusto
1 Oro	Ymkje Clevering Veronique Meester	remado	vira dupersona durema konkurso	2-a de aŭgusto
1 Oro	Odile van Aanholt Annette Duetz	velado	ina regatto de la velboata klaso 49er	2-a de aŭgusto
1 Oro	Karolien Florijn	remado	ina unupersona durema konkurso	3-a de aŭgusto
1 Oro	Isaya Klein Ikkink Lieke Klaver Eugene Omalla Cathelijn Peeters Femke Bol	atletiko	miksita 4 x 400-metra stafeto	3-a de aŭgusto
1 Oro	Worthy de Jong Arvin Slagter Jan Driessen Dimeo van der Horst	basketbalo	vira konkurso 3x3	5-a de aŭgusto
1 Oro	Roy van den Berg Jeffrey Hoogland Harrie Lavreysen	biciklado	vira teama sprinto	6-a de aŭgusto
1 Oro	Marit Bouwmeester	velado	ina regatto de Lasero Radiala (ILCA 6)	7-a de aŭgusto
1 Oro	Sharon van Rouwendaal	naĝado	ina 10-kilometra maratona naĝado	8-a de aŭgusto
1 Oro	vira hokea teamo	hokeo	vira hokea konkurso	8-a de aŭgusto
1 Oro	Harrie Lavreysen	biciklado	vira bicikla sprinto	9-a de aŭgusto
1 Oro	ina hokea teamo	hokeo	ina hokea konkurso	9-a de aŭgusto
1 Oro	Sifan Hassan	atletiko	ina maratono	11-a de aŭgusto
1 Oro	Harrie Lavreysen	biciklado	vira kejrino, formo de traka biciklado	11-a de aŭgusto

Jen nur la oraj medaloj: Kompreneble ĉiutage aldoniĝis ankaŭ arĝentaj kaj bronzaj medaloj. Cetere: Estas pli da interesaj sportistoj ol iam estos kapacitoj krei artikolojn esperantlingvajn pri ili - tial nur metu internajn ligilojn post kiam vi mem kreis biografian paĝon.