Perm kraj

Perm kraj
Пермский край
kraj
Flagg Symbol
Land	Russland
Del av	Den volgiske føderasjonskrets
Hovudstad	Perm
Areal	160 236 km²
Folketal	2 508 239 (1. januar 2023)
Språk	russisk
Tidssone	UTC +5
Perm kraj 59°14′00″N 56°08′00″E / 59.233333333333°N 56.133333333333°E / 59.233333333333; 56.133333333333
Wikimedia Commons: Perm Krai

Perm kraj^[a] er eit territorium (kraj) i Russland og eit av føderasjonssubjekta i den russiske føderasjonen. Hovudstaden er Perm, arealet er 160 236 km² og innbyggjartalet er 2 508 239 (2023). Perm kraj vart danna ved samanslåinga av Perm oblast og Komi-Permjakia den 1. desember 2005.

Perm kraj ligg helt i aust i Europa der den store russiske sletta møter Uralfjella. Det høgste punktet er 1469 meter over havet, og ligg i Ural-fjella.

Russisk busetjing i dette området starta på 1500-talet. I 1780 vart provinsen Perm oppretta. Perm oblast vart oppretta i 1938. Det autonome området Komi-Permjakia var underlagt Perm oblast. Etter oppløysinga av Sovjetunionen vart Komi-Permjakia eit eige føderasjonssubjekt, sjølv om det framleis var tilknytt Perm oblast. I oktober 2004 vart det avheldt ei folkerøysting om full samanslåing av dei to områda, og framlegget om dette fekk fleirtal.

Folketalet i Perm kraj er minkande. Det minka med 4,5 % frå 1990 til 2003 (frå 3 042 000 i 1990). Dei største byane er Perm (991 200 ibuarar) og Berezniki (156 500).^[1]

Den største delen av folket er etniske russarar. Ved folketeljinga i 2010 var den etniske samansetjinga:^[1]

• Russarar: 83,2 %
• Tatarar: 4,4 %
• Komi-permjakar: 3,1 %
• Basjkirar: 1,2 %

Commons har multimedium som gjeld: Perm kraj

• Offisiell nettstad